Татарстанлылар Екатеринбургта Хайтек югары технологияле һөнәрләр буенча халыкара чемпионатта 6 медаль яулады
«Хезмәт җитештерүчәнлеге» илкүләм проекты кысаларында 7 ноябрьдән 11 ноябрьгә кадәр Екатеринбургта Хайтек югары технологияле һөнәрләр буенча халыкара чемпионат һәм Рациональләштерү һәм җитештерүчәнлек буенча II Кубок узды. 38 компетенция буенча үткәрелгән ярышларда 1 меңгә якын конкурсант һәм эксперт катнашты.
Татарстан Республикасыннан 16 компетенция буенча 25 конкурсант һәм 17 эксперт катнашты. Татарстан вәкилләре алты медаль яулады.
«Реверсив инжиниринг һәм өстәмә производство» компетенциясендә алтын медальгә В.Д. Поташов исемендәге техник колледжтан Зөфәр Александров лаек булды.
«Металл эшкәртү» компетенциясендә көмеш медальне П.В. Дементьев исемендәге Казан авиация-техник колледжтан Ирек Нуруллин яулады, ә «Челтәр һәм системалы администрацияләү» командалы компетенциядә — Әлмәт политехник техникумнан Илья Замарацких һәм Дмитрий Зинкин. Көмеш медаль шулай ук Денис Евсиковның Әлмәт политехник техникумнан «Прототиплар ясау» компетенциясендә һәм Дарья Калинаның «Рекрутинг» компетенциясендә («Станнум» ҖЧҖ/КФУ).)
«Эретеп ябыштыру технологияләре» компетенциясендә Казан политехник колледжыннан Әмир Хәлимбаев бронза медальен яулады.
Чемпионатта биремнәр предприятиеләрдән төзелеш һәм төзелеш технологияләре, җитештерү һәм инженерлык технологияләре, мәгълүмати һәм коммуникацион технологияләр, шулай ук киләчәк һөнәри күнекмәләре блогы - Future Skills нигезендә формалаштырылды.
Ярышларның көндезге һәм дистанцион форматларында Беларусь, Бразилия, Гана, Мисыр, Зимбабве, Һиндстан, Индонезия, Иран, Казахстан, Кытай, Кыргызстан, Малайзия, Намибия, Нигерия, Үзбәкстан һәм Көньяк Африка Республикаларыннан конкурсантлар катнашты.
Чараны оештыручылар - Россия Федерациясе Сәнәгать һәм сәүдә министрлыгы каршындагы Күнекмәләр һәм һөнәрләр үсеше агентлыгы һәм Россия Федерациясе Икътисади үсеш министрлыгы, Свердловск өлкәсе Хөкүмәте, Яңа проектларны алга этәрү буенча стратегик инициативалар агентлыгы, эре холдинглар һәм корпорацияләр.